كيفية الاطلاع على نتائج القرعة الأمريكية DV 2016

[sofien sai]

سلام عليكم اخي رضا لقد لاحظت انه لديك معلومات كبيرة عن هاته القرعة لذا قررت ان اسالك سؤال ربما بمقدورك اجابتي عنه لانني انا في حيرة من امري ... لقدت فزت في قرعة 2016 ..و انا حاليا اعزب و ساتزوج بعد رمضان ان شاء الله  ..سؤالي هو هل اثناء المقابلة سارفض لاني تزوجت ؟؟بمعنى انه سيحدث تغير في حياتي مع العلم ان زوجتي ساخذها بعد الذهاب ثم الرجوع الى الوطن؟؟بمعنى انه يوم المقابلة ساقول للقنصل الان ليس معي شهادة عزوبة بل معي عقد الزواج.فهل سيتفهمني ؟؟ارجوك اريد اجابة في اقرب وقت جزاك الله خير

سفيان والوا قع ما تخاف ما والوا عادي جدا تتزوج وتخليها تم في الجزائر ومن بعد كي تجي لامريكا تبدى تخدم تدفع ليها دوصيها وتلحقك ولكن يلزم تعرف بلي نهار تديرلها دوصي يطلبوا منها في الدوصي الدخل تاعك يعني انت ترسلها اوراق الدخل السنوي تاعك ولكن المشكلة الى كان الدخل السنوي تاعك اقل من 18 الف ما يعطوهاش الفيزا لانك لا تملك دخل كاف للتكفل بها وعليه كي تبدى تخدم جرب لحق الدخل تاعك اكثر من 18 الف او ممكن 17 الف المهم هذي معلومة عامة وليست دقيقة ايضا 
كي تتزوج قوله انت كنت خاطب  فقط لما سجلت ومن بعد تزوجت اي من قبل ولم تكن متزوج ولما فزت في القرعة كنت محدد موعد الزواج من قبل الى قالك علاه ما درتهاش معاك في الملف قوله برك ما كانش عندي عقد الزواج ما نقدرش نقول انا متزوج الى قالك علاه ما اضفتهاش في ملف التاعك باش تروح معاك قوله ما اعلاباليش وخليك من تكسار الراس باش ما توقعش في الكذب لانه القنصل ليكن في علمك شخص يفهم في السيكولوجيا ويفيقلك الى بغيت تكذب ويرفض اعطائك الفيزا كان لي كي اخرج في القرعة راح تزوج وزاد زوجته في الملف واعطاوه هو وهي الفيزا وهجروا مع بعض وكاين لي تزوج وزادها معاه في الملف رفضوه هو وهي وقالولهم زواج المصلحة شوف انت باغي تغامر ولا باغي تروح انت ومن بعد كي تجي هنا تطلعها بالتوفيق انا هذا واش نعرف