كيف يتم تحويل و إرسال الأموال من الجزائر الى الخارج ؟؟؟

[Adlmiloud008]

محمد اني رحت للبانكة سقسيت قالي اقدر ترسل عادي واش تدير ؟
تفتح كونت دوفيز معاهم الكونت اورو ولا دولار اللي تحب ترسل بيه او في زوج ...انا نهدر على البنك الخارجي الجزائري ولكن قال لي كل البنوك تحول الاموال للخارج بهذه الطريقة
1--تعمر الكونت تاعك بالدوفيز الدوفيز ما يبيعولكش هوما تشريه من برا وتدخله للكونت تاعك
2--تروح للمكتب الخاص بيهم تلقاه تم في البانكة تطلب استمارة تحويل اموال للخارج يطلب منك السبب ويعطيك استمارة على حسب نوع التوحيل
مثلا 4--دفع تكاليف الدراسة لجامعة ما هنا يطلب منك الدليل على التسجيل في الجامعة والوثيقة اللي فيها تكلفة الرسوم اللي طلبتها منك الجامعة
الى كان علاج طبي نفس الخطوات استمارة خاصة ووثيقة تكلفة العلاج من الطبيب
اما بخصوص حب والديك يعاونوك محتاج دراهم تعيش بيهم تدير مساعدة عائلية
بالتوفيق

شكراً رضا على هذا التوضيح ، بصح السؤال الأهم هو حول المدة الي يوصلو فيها هذا الدولار إلى امريكا ، و من تخرجه : فقط من بنك واحد و هو وسترن نيونيو و لا كاين بنوك أخرى ، و شعال يدو عليك تسعيرة التحويل من الجزائر إلى أمريكا ؟ هذه الأسئلة الذي لم يجب عليها معظم المشاركين في هذا الموضوع .