Oselni.com
تقييم الموضوع :
  • 0 أصوات - بمعدل 0
  • 1
  • 2
  • 3
  • 4
  • 5
The Dishwasher
#1
السلام عليكم

حبيت نشاركم كيفاش تخدم الغسالة اللي عندي هنا لان البيت اللي راني فيه مجهز من كل النواحي يعني مشرينا والو الله يخلف عليهم وانا امراة كسولة جدا ماصدقت لقيت اللي يعاوني على حرب الاواني خاصة و سيدنا رمضان قريب حتى يديا ولاتلهم الروح يعني النعومة راهي غير تزيد ههههههههه الله يبارك بصح كي نتفكر بلي غاديا نرجع للجزائر نولي غير بالحبيلة اوووووف معلش ربي يعينا ربي برك يعطينا الصحة وكلش نديروه ايا هذا هو الفيديو
<!-- m --><a class="postlink" href="http://link.videoplatform.limelight.com/media/?mediaId=1299a1f926db441fad17d3fec3911fd0&playerForm=Player&width=560&height=373">http://link.videoplatform.limelight.com ... height=373</a><!-- m -->
الرد



#2
يعطيك الصحة الأخت سمية اول مرة نشوفو
الله يعينك كي ترجعي لدزاير تولي كلش باليد
ترجعي تتفرجي la publicite تع omo و الايزيس و قهوة فاكتو و قهوة عمر و قهوة بونال هخخخخخخ و البنة البنة
كلش بالبنة في دزاير
لا خير الا فيما أراده الله
الله يعلم و انتم لا تعلمون
بارك الله فيك تقبلي مروري
الرد



#3
شكرا جزيلا اخي رياض والله القهوة هنا كل مرة نجرب وحدة منعجبنيش انا نبغي القهوة بالبهارات يعني فايضة في الطاوة هههه نصبرو شهور ايا ونلقو كلش ان شاء الله
الرد



#4
و الله دقيني الاخت سمية أمريكا مليحة بصح في حوايج اخرى ماهيش مليحة
ملي جيت هنا راحتلي الشهية خلاص
telemment الخير مطيش وليت ما ناكلش الا حاجة نطيبها انا بيدي
أما الحليب و القهوة التي كنت اعشقهما في الجزاير و الله نسيتهم خلاص ما بقيتش نشربهم خاصة القهوة الامريكية لا تشبه لأي شيءو هذا هي النقاط السوداء التي سأتحدث عنها في الاجزاء المقبلة من تجربتي في امريكا التي رايت
ربي يحفظ بلادنا و ترجع وردة ان شاء الله و نروحوا ما كانش كيما البلاد و الزهو تع البلاد
الرد



#5
السلام عليكم و رحمة الله تعالى و بركاته
جزاكم الله خيرا
أنا لست ضد الآلات الحديثة بدليل أنه عندي الكثير منها ولا أستعملها إلا للضرورة
فمثلا عندي ماكنة غسل الملابس و لكن نحب نغسل بيدى
زوجي يقول لي مكتوب عليك الشقاء أم ماذا
أقول له نستحفظ عليها مادامني بصحتي باه تستحفظ عليا كي نكون مريضة
هههه
لكل شيء إذا ما تمّ نقصان .... فلا يغّر بطيب العيش إنسان
هي الأمور كما شاهدتها دولٌ .... من سرَّهُ زمنٌ ساءته أزمانُ
الرد



#6
شكرا جزاك الله خيرا
لا اله الا الله , محمد رسول الله
الرد





التنقل السريع :


يقوم بقرائة الموضوع: بالاضافة الى ( 1 ) ضيف كريم