الاكلة المشهورة عبر كل التراب الوطني

[somia]

السلام عليكم
اليوم راني عارضتكم لداري مرحبا بيكم
الاكلة المشهورة في كامل التراب الوطني لكن ربما تختلف طريقة التحضير فقط المهم هذه طريقتي الخاصة للكسكس بالمرقة
المقادير:
ناخذ الجزر2- البطاطا 2- بصلة واحدة- طماطم وحدة كبيرة او 2 صغار -الثوم راني نسيت مصورتهش مسكين المفروض نديرو كرافس في مرقة نتاع الطعام بصع انا معنديش درت شويا قصبر واكيد الحرور .

بعدما قشرنا الخضر نحضر قدر نبرش البصل والطماطم ونقطع الخصر ونزيدو الدجاج او اللحم الغنمي و الحرور والقصبر نديرو الزيت-الملح زعفران-عكري- طماطم المصبرة كما موضح في الصورة

نحطوهم على النار ونخلوهم يتقلاو مليح وبعدين نضيفو الماء ونخلوه يطيب من جهة اخرى نجيبو الكسكس نتاعنا

هدا مصنوع في المغرب يا حسراه على طعام المفتول باليد الله يبارك بصح الحمد لله خير من مكانش
نغسلو الطعام ونقطروه من الماء ونخلوه ينشف وبعد نفتوه باش مايبقاش كويرات وبعدها نديروه في الكسكاس يفور متظحكوش عليا راني نفور على طاوة ههههههه الله غالب معنديش القدرة والحب يدير المستحيلات


لما يفور نعاودوه يعني نرشوه بالماء المرة الاولى بالماء فقط الثانية ماء وملح والثالثة هي الاخيرة نحطو الطعام يبرد ونديرولو الدهان يعني السمن خاصة لوكان يكون دهان عرب ممممم يمي يمي
والمرقة لما تعقد نطفيو عليها والان نقدرو نحطولكم لعشا سمحولي بزاف ادا طولت عليكم وهدا هو الطبق نتاع



*******************شهية طيبة*****************

[ridharezzag عضو متألق]

الصورة هاذي يا اخت سمية رائعة جدا <!-- s --><img src="{SMILIES_PATH}/icon_cry.gif" alt="" title="يبكي أو حزين جداً" /><!-- s -->

[nadjma عضو متألق]

السلام عليكم و رحمة الله تعالى و بركاته
جزاكم الله خيرا صور واضحة وشرح رائع
بارك الله فيك

[somia]

شكرا اختي الغالية نجمة
الاخ رضا ان شاء الله تكون تحب الطعام بالمرقة لان الطعام باللبن متبغيهش

[riadh]

تقول طبيتي على قلبي
اشتريت الكسكس من مدة و لكن لا أعرف ابدا طريقة عمله و كنت ساتصل بالوالدة لاسألها
و هأنت ذي تضعين الوصفة الدقيقة شكرا جزيلا لك
يبدو انني راح نجوز فيه رمضان فووووور هذا العام ليس كالعام الماضي ماصط أو صامط في بعض المناطق هخخخخخخخخخخخخخخخخخ
شكرا الاخت سمية راني نخبي فالوصفات
شكرا جزيلا