السلام عليكم اريد التعرف على ناس الميلية في نيويورك

[chou25]

سلام عليكم خوبا اولا انا من قسنطينة و صحابي بزاف من العاصمة و نعرف مليح بلي ولاد المدينتين رجال انا حبيت نوصل ميساج لخونا برك و تشاء الصدف انك انت تجاوبو
كيما تكون في امريكا راك تتسما جزائري مش قسنطيني و لا تلمساني .................
حبيت نفهمو بلي قادر في الغربة مايعاونش ولد مدينتو اويعاونو جزائري من بلاصة اخرى سما الجهوية لي رانا نخممو بيها نحيوها خير لينا لانها متدينا لحتى بلاصة
قادر يعاونو مروكي خلاص و احنا نعرف المشاكل الموجودة بين البلدين
انا واحد من الناس حصلنا انا و صاحبي في تركيا كنا حابين نصرفوا و الاتراك حبو ياكلونا في الحساب تاع الاورو
يامالا كي سمعتنا وحدة مروكية ربي يدكرها بالخير سلكت علينا و داتنا للبلاصة لي فيها مكاتب الصرف و وصلتنا حتى للفندق
في هذا الزمن يا خاوتي تولهنا بلي خونا الجزائري كان قاعد ورانا و يسقس فينا بلاك كيما الاتراك
و اللهجة تاعو من الغرب مع احتراماتي لناس الغرب لأنو هذا الحيوان حاشاكم مايمثل الا نفسو
و منه نستنتج انو ماكالاه نحكمو عاى الناس قبل ما نعرفوهم
Hopedz ياخويا نتمنى تكون فهمت وين راني حاب نوصل
وبالمناسبة انا و جماعة من تزاير و سطيف جايين ل نيويورك انشاله و لكان راك التم حابينك تعاونا بين قوسين توجهنا
فيما يخص وين لازم نكريو الدار او كيفاه نلقاو خدمة يعني نصائح لوجه الله ا خويا
سلام