أصابع الملفوف أو لكرنب

[süheyla.yildiz]

تقطع حبة الملفوف بهذا الشكل




نفصل الأوراق بحذر



توضع في طنجرة أو قدر مع عدم الضغط على الأوراق لأنها سوف تنكسر




نسكب عليها ماء ساخن مع القليل من الملح و توضع على النار حتى تذبل لمدة 15 إلى 20 دقيقة حسب نوعية الأوراق رهيفة أو غليظة


ملاحظة: الاوراق وحدها لما تبدى تذبل راح تدخل في الطنجرة
بعدها تخرج و توضع مباشرة في ماء بارد و ترفع برفق و نتركها تنقطع من الماء الزايد



بالنسبة للحشو: لكم الاختيار
انا استعملت: حبة بصل,فصين ثوم, تقطع و تقلل جيدا اضفت لها لحم مفروم و بهارات حسب الرغبة و زدت الروز في الأخير لاني حضرت كمية كبيرة. الكل يقلى جيدا و أخيرا ملعقة طماطم مصبرة مع نصف كأس ماء و تضاف الخليط و يترك ليبرد

ملاحظة: منكتروش الماء الخليط باش ميطيبش الروز و يتعجن

مبسط ورقة الملفوف و نتخلص من الجزء السميك لتسهيل اللف









و يصف في طنجرة بهذا الشكل

[süheyla.yildiz]

يضاف القليل من الملح فوقها و التوابل حسب الرغبة و يصف الليمون. و يمكن وضع سائل الرمان اذا أمكن. تغطى بطبق حتى تبقى متماسكة ثم القليل من الماء الدافئ ماشي حتى تتغطى كامل بالماء

[süheyla.yildiz]

نغلق الطنجرة و نتركها تطها على نار هادئة حتى تنشف و شهية طيبة

[nadjma عضو متألق]

الله يبارك حبيبتي سهيلة
عجبتني بزاف الطريقة هذي
المرة الجاية بحول الله نجربها

لم أجد الوقت لكي أضعها هنا
بما أنك وضعت هذه الوصفة الرائعة سأبدأ بحول الله بكيفية تحضير الرشتة في المنزل
جزاك الله خيرا حبيبتي الغالية

[süheyla.yildiz]

allah ybarak fık okhtı nadjma inchallah takhrajlak tayyıba

[ridharezzag عضو متألق]

تقول طليتي على قلبي سهيلة البارح رحت شريت اللحم المرحي باش نطيب الدولمة وكي رحت نشري كاين لبنانية هي اللي تبيع اللحم الحلال المهم قاتلي راك مليح تعرف تطيب قلتلها ما حوستش نتعلم برك نطيب هذي واش تسموها انتم وشرحتلها قاتلي كوسة باللحم قلتلها احنى ما نسموهاش كوسة قاتلي تسموها دولمه حرت ههه قلتلها من وين عرفتي قالت ان الاتراك والالبانيين والايرانيين يسموها هكذا ويجوا عندها عرفتها ايا قلتلها اعطيني وحد الصاشي صغير يجي مخلط فيه قع البهارات واجد ما نخلطش انا ههه المهم انا نحبها بالكرم والفلفل والبطاطا كي اهبطت هذي المرة يمى شبعتني بيها عارفتني نحبها بالفلفلة المحشية وانا لحد الان ما قدرتش نطيبها عجزت

[nadjma عضو متألق]

تقول طليتي على قلبي سهيلة البارح رحت شريت اللحم المرحي باش نطيب الدولمة وكي رحت نشري كاين لبنانية هي اللي تبيع اللحم الحلال المهم قاتلي راك مليح تعرف تطيب قلتلها ما حوستش نتعلم برك نطيب هذي واش تسموها انتم وشرحتلها قاتلي كوسة باللحم قلتلها احنى ما نسموهاش كوسة قاتلي تسموها دولمه حرت ههه قلتلها من وين عرفتي قالت ان الاتراك والالبانيين والايرانيين يسموها هكذا ويجوا عندها عرفتها ايا قلتلها اعطيني وحد الصاشي صغير يجي مخلط فيه قع البهارات واجد ما نخلطش انا ههه المهم انا نحبها بالكرم والفلفل والبطاطا كي اهبطت هذي المرة يمى شبعتني بيها عارفتني نحبها بالفلفلة المحشية وانا لحد الان ما قدرتش نطيبها عجزت

السلام عليكم و رحمة الله تعالى و بركاته
أخي الفاضل رضا رانا سهلنالكم كلش غير باه تبداو تطيبو وحدكم
فحاولوا فستجدون لذة لا مثيل لها في الطهو و هو سهل و ممتع و شهي و عندما تشتم رائحة الطبيخ في منزلك
تدخل عليك جوا من حميمية العائلة و دفئها، خاصة مع وسائل التواصل الحديثة تقدر تطيب و الأم ديالك تشوفك متعة حقيقية
ربي يحفظلنا أمهاتنا و آباءنا و يرحم موتى المسلمين آمين
بالنسبة للدولمة كوسة أخي فهذه هي


أما دولمة كرومب أو ملفوف فأنا نديرها بطريقة مختلفة شوي عن الأخت
سأحاول وضعها هنا بعد قليل
ولله عندي الكثير من الوصفات معرفت باه نبدا
و الدولمة فلفل أيضا درتها البارحة لذيذة جدا
و نقول للأخت سهيلة أتحفينا بالطبخ التركي الرائع جزاك الله خيرا حبيبتي

[süheyla.yildiz]

hhhhhhhhhhhhhhhhhhh akhi reda ana taalamtha hnaya tabban taab nhar kamal w ana nkawwar hhhhhhhhhhhhhh

[süheyla.yildiz]

allah ybarak fık okhtı nadjma ntayab dayman bassah mdak makanch arabiya fal micro nataadab bach naktab mawdouaa .

[nadjma عضو متألق]

ربي يحفظك حنونتي
أنا راني ننفظ في داري و ملقيتش الوقت باه نديرلكم المواضيع الخاصة بالطبخ
راكي عارفة نتعبو بزاف باه نكتبوها و فالاخير التفاعل مكانش مرات أصاب بإحباط و نقول خلاص منزيدش نحط مواضيع
و ممبعد نرجع و نقول ربما معنهمش الوقت باه يكتبو
المهم راني رايحة نكمل شغلي و إذا مكنتش عيانة نجي نكتب موضوع الدولمة و موضوع الرشتة و الدولمة فلفل رائع أيضا
درت حلوى البارح رائعة و إقتصادية جدا كي يكون عندي الوقت نحطها أيضا
كل حاجة صورتها لكن الله يعلم أننا مناش مقصرين مع المنتدى
لكن الوقت و المسؤوليات
أنا أمي كانت مريضة الأيام لي جازوا
و الله تحيرت عليها بزاف و بما أنني بعيدة عليها بزاف رحت شفتها مرة وحدة برك
رغم أنها تحسنت و الحمد لله لكن بما أنني بعيدة عليها نبقى نفكر فيها و نبكي
ربي يجمعنا بأهلنا في الجنة و يجعلنا دايما طايعين لوالدينا و يرضاو علينا
و يرضا علينا الخالق سبحانه و تعالى
آمين

[GB47]

رضا رد بالك تطيب
كي تعود تطيب وتشم مختلف الروائح الخارجة من الطبخ
وكي يجي وقت الأكل تاكلو كشيء عادي
لكن لما واحد يطبخهولك وتاكلو واجد تم تحس بالبنة <!-- s --><img src="{SMILIES_PATH}/icon_e_biggrin.gif" alt="" title="سعيد جداً" /><!-- s -->

[süheyla.yildiz]

Rabbi yaawnak. W ychfilak ommak ya Rab.
Maalich okhti montada mazalou jdid w makanch akhawat bazzaf. Inchallah ykon tafa3ol akbar fi el mostakbal
selamı lil amira khawla

[ridharezzag عضو متألق]

رضا رد بالك تطيب
كي تعود تطيب وتشم مختلف الروائح الخارجة من الطبخ
وكي يجي وقت الأكل تاكلو كشيء عادي
لكن لما واحد يطبخهولك وتاكلو واجد تم تحس بالبنة <!-- s --><img src="{SMILIES_PATH}/icon_e_biggrin.gif" alt="" title="سعيد جداً" /><!-- s -->

والله صراتلي شحال من مرة نطبخها ومن بعد ناكل زوج مغارف ونشبع نخليها لغدا

[ridharezzag عضو متألق]

انا كرهت من الطياب زوج سوايع وانا معاه ولكن انا مقلق الكرم ما حبيتش نديرو لان الاخت سهيلة قاتلك اطبخه 20 دقيقة يرطاب وانا ماعنديش الوقت اصلا طيبت من فوق قلبي لانني تدعست بماكلة الريستورات حبيت ماكلة تع بيت نظيفة على كل حال والله جات بنينة واكلت منها 3 مرات لانني ماناكلش بزاف وما مرضتش على الرغم كليت ماكلة وحدة نهار كامل واستبنيتها درت بطاطة غير باش نوع مع انني نحب الكرمب وبخصوص المقلى استخدمت هذيك لانها تسخن بسرعة باش نطيبها بسرعة ههه







طبعا الفلفلة من المفروض اشويها واقشرها ومن بعد احشيها لان يمى قالتلي باش تكون البنة احسن لان
القشرة ممكن تطلق بعض المرارة تؤثر على ذوق الطبق وجربتها العام لي فات فعلا بدون قشرة الطبق احسن
ولكن التقشير والشوي ياخذ وقت والفلفة بدون قشرة صعب تحشيها تتقطع التعامل معها يكون صعب
وانا مش لاهي <!-- s:geek: --><img src="{SMILIES_PATH}/icon_e_geek.gif" alt=":geek:" title="Geek" /><!-- s:geek: --> المهم ناكل شيئ تع دار لانني تدعست من اكل الريستورات





وهذي هي الخلطات لي زدتهم نشري غير الواجد حتى المرقة هذيك صلصة واجدة فيها كل شيئ ما نكسر راسي ما والو هههه

[süheyla.yildiz]

Yaatik saha ya akhi
tyab elmahchi ychad lwakt bazzf bassah rak salaktha mankhafoch aalik bsahha w afiya