المفيـد
طريقة تحضير الشوربة حصري على منتدى النجوم - نسخة قابلة للطباعة

+- المفيـد (https://allmofid.com)
+-- قسم : مـنـتديـــات حـــواء (https://allmofid.com/forumdisplay.php?fid=112)
+--- قسم : منتدى الطبخ (https://allmofid.com/forumdisplay.php?fid=21)
+---- قسم : مطبخ نجمة (https://allmofid.com/forumdisplay.php?fid=5)
+---- الموضوع : طريقة تحضير الشوربة حصري على منتدى النجوم (/showthread.php?tid=1625)

الصفحات: 1 2


طريقة تحضير الشوربة حصري على منتدى النجوم - nadjma - 06-01-2014

بسم الله الرحمان الرحيم
السلام عليكم و رحمة الله تعالى وبركاته

سوف أحاول أن أشرح لكم بالتفصيل الممل طريقة تحضير الشريبة

[صورة: 11012455_657928714351912_623076192859199...e=562065E4]


[صورة: 10845940_657929251018525_593751015226734...f3c4c509e5]
هذه الكمية تكفي لحوالي 15 شخص
أنا كل مرة نطيب هذه الكمية و بعدما تبرد أقسمها في أكياس بلاستيكية غذائية و نخبيها في المجمد
باه إذا جاني ضيف على غفلة نجبدها و نسخنها برك و نفرحوا


و هذه الطريقة أستعملها خاصة في رمضان باه منشغلش غير بالطبخ لأن رمضان ماهوش شهر الماكلة كما يعتقد الكثيرون هو شهر للعبادة
إذن أنتهج هذه الطريقة منذ زواجي و أطهو كمية تكفي لأسبوع
أنصح الرجال أن لا يتحكرو و يقولو لزوجاتهم أنا ماناكلش الصابح
الشربة كي تتخبا في المجمد في نهارها كي نخرجوها منو تبان نتع هذاك النهار
نبدأ على بركة الله بالمقادير:
المرحلة الأولى:
نحتاج لحوالي 1/2 كلغ لحم غنمي مقسوم أطراف صغيرة

بصلتين متوسطتي الحجم مقطعة إلى قطع صغيرة جدا

كأس زيت ماشي معمر مليح

ملعقة كبيرة سمن أو مارغارين

ملعقة كبيرة ملح مقبنة

1/2 ملعقة كبيرة  فلفل أسود

ملعقة كبيرة رأس الحانوت
ملعقة كبيرة ممسوحة عكري أحمر
ملعقتين كبيرتين طماطم مصبرة
حوالي ربطة و نصف حشيش مقطفة مقطع صغير جدا

نخلط اللحم و البصل مع بعض و نقليوهم لمدة 10 دقائق في تلك الزيت التي ذكرناها
حتي يصبح لونه هكذا

[صورة: 1-7-jpg?fx=r_685_685]
بعدها نضيف المكونات المذكورة أعلاه الكل مع بعض
كما يلي
[صورة: 2-8-jpg?fx=r_685_685]
نضيف لها قطعة السمن باه يعطيلها الوجه كيما نقولو حنا أي الزيت التي نراها أعلى الشوربة
و بعدها نتركها تتقلي على نار متوسطة لحوالي 10 دقائق أخرى
في هذه الأثناء نجهز ما يلي

المرحلة الثانية:

[صورة: 4-7-jpg?fx=r_685_685]

3 حبات كوسة

3 حبات جزر منقية مليح

4 حبات طماطم مغسولة مليح

الحمص حوالي طويّس شوربة

و الحشيش أو القصبر كمية أخرى نتركها للأخير
بعدما تكون تقلات المكونات مع بعضها البعض طبعا دون أن ننسى التحريك بملعقة خشبية باه منجرحوش القدرة
نضيف حوالي 2.5 ل ماء أو 3 ل
و نضيف كل الخضار المغسولة جيدا و المجهزة بالإضافة إلى الحمص

[صورة: 5-6-jpg?fx=r_685_685]

نغطيو القدر نتاعنا و نقويو النار و نتركه لحوالي نصف ساعة

[صورة: 7-4-jpg?fx=r_685_685]

في هذه الأثناء نأخذ حوالي كأس مملوء بالفريك و نغسله جيدا و نضعه داخل قدر صغير و نضيف إليه حوالى كأسين من الماء و نتركه ينتفخ
[صورة: 8-3-jpg?fx=r_685_685]

بعد مرور نصف ساعة تكون الخضار قد نضجت نُصفيها من المرقة و نضعها داخل آلة الطحن كي نطحنها جيدا

[صورة: 9-3-jpg?fx=r_685_685]

في هذه الأثناء مستوى المرقة في القدر يكون نقص بصفة معتبرة نضيف إليها حوالي 1ل ماء مغلي
[صورة: 7-3-jpg?fx=r_685_685]
و نضيف إليها الفريك المنتفخ
و نكمل طحن الخضار و نمزجها جيدا مع الشوربة كي تكون متجانسة

[صورة: 11-2-jpg?fx=r_685_685]

نخفض النار إلى مستوى ضعيف و نترك الشوربة تتجمر في غرضها لمدة 20 دقيقة أو ربع ساعة أي بما يكفي كي ينضج الفريك
لا تنسو أن تحركو من حين لآخر كي لا تلتصق الشوربة في قاع القدر
في الأخير نطفئ النار و نضيف الحشيش مقطفة فوق الشوربة يمكن إضافة القليل من النعناع الأخضر أو اليابس

أتمنى أن أكون وفقت في هذا الشرح المطوّل نوعا ما و أن لا أكون ثقيلة عليكم إخوتي
تبعوا الطريقة و توكلوا على الله و سوف تنجحون في تحضيرها بحولالله
و راكم عارفين بلي كي نكلوها بخبز كيما هذا أحسن بكثير من خبز المخبزات
[صورة: bread15.jpg?fx=r_685_685]
إليكم رابط طريقة إعداد هذا الخبز
http://www.nodjoom.com/montada/showthread.php?tid=786
جزاكم الله خيرا
أي إستفسار أنا في الخدمة
شاركونا بآرائكم حتى ولو كان نقدا فقلبي واسع ماتخافوش
بارك الله فيكم جميعا
و السلام عليكم و رحمة الله تعالى و بركاته
اللهم بلغنا رمضان


Re: طريقة تحضير الشوربة حصري على منتدى النجوم - dr.mounir - 06-01-2014

بسم الله الرحمن الرحيم،
الأخت نجمة، لقد أحسنت و وفيت في شرح الطريقة التي تحضر بها شوربة الفريك التي لا تصلح مائدة رمضان إلا بها فهي مغذية، و سائلة و ساخنة تفتح الأمعاء التي تبقى مغلقة طيلة حوالي 14 ساعة.
فبورك فيك، و في عجوزتك اللي علمتك و أمك التي ربتك، و جزاك الله عنا كل خير.


Re: طريقة تحضير الشوربة حصري على منتدى النجوم - Adel_Graphiste - 06-01-2014

شكرا جزيلا على كل هذه المجهودات

الشوربة

غادي نجربها و نردلك الخبر هههه

<!-- sSmile --><img src="{SMILIES_PATH}/icon_e_smile.gif" alt="Smile" title="مبتسم" /><!-- sSmile -->


Re: طريقة تحضير الشوربة حصري على منتدى النجوم - riadh - 06-01-2014

myam myam myam
هذه الشوربة التي انتظرتها سأجعلها احتفالا في رمضان
و سبعون من أبلي تحمل دلال الفريك و الخضروات هههه
في رمضان ستكون حرب لا هوادة فيها
شكرا الاخت نجمة بارك الله فيك


Re: طريقة تحضير الشوربة حصري على منتدى النجوم - nadjma - 06-01-2014

السلام عليكم و رحمة الله تعالى و بركاته
بارك الله فيكم جميعا
دكتور منير و الأخ عادل و الأخ رياض
جزاكم الله خيرا


Re: طريقة تحضير الشوربة حصري على منتدى النجوم - Hayat - 06-01-2014

<!-- sSmile --><img src="{SMILIES_PATH}/icon_e_smile.gif" alt="Smile" title="مبتسم" /><!-- sSmile --> بارك الله فيك اختي نجمه تكفي 15 شخص في رمضان ان شاء الله غير هنا و نفطرو <!-- sBig Grin --><img src="{SMILIES_PATH}/icon_e_biggrin.gif" alt="Big Grin" title="سعيد جداً" /><!-- sBig Grin --> هي تقريبا نفس الى نعملوها الحريره الطبق الرئيسي في رمضان
انا كنت اقصد نوع شوربه تجي بيضاء ماشي حمره يعملوها في عاصمه الجزائر وماجورها <!-- sSmile --><img src="{SMILIES_PATH}/icon_e_smile.gif" alt="Smile" title="مبتسم" /><!-- sSmile -->


Re: طريقة تحضير الشوربة حصري على منتدى النجوم - somia - 06-01-2014

بارك الله فيك وجعله في ميزان حسناتك والله احنا في الغرب الجزائري نديرو في رمضان لحريرة مع البوراك
خسارة مريكان مافيها لا فريك ولا تشيشة نتاع الزرع اللي نستعملوها في مكان الفريك راني نديرها غي بالارز
ربي يحفظك حبيبة


Re: طريقة تحضير الشوربة حصري على منتدى النجوم - nadjma - 06-01-2014

السلام عليكم و رحمة الله تعالى و بركاته
فهمتك حبيبتي حياة لكن لم أصورها بعد و أعدك أن أحضرها في أقرب الآجال بحول الله
عندك الصح حنا يديروها بزاف و تندار بالدجاج و الأرز تجي خفيفة و هي ساهلة بزاف على هذي لكن
الطعم نتاع الشريبة الحمراء لا يقارن أنا مانحبهاش بزاف البيضاء نحب هذي الحمراء
أما فيما يخص المواضيع التي عرضتها عليكم للتصويت فكلها جاهزة و بالصور
و يمكنكم إختيار الطبخة التالية التي أقوم بعرضها هنا في منتدى الطبخ
أنا مستعدة أن أكتبها لكم كلها في المنتدى لكن فقط إختارو ما هي الطبخة الثانية؟؟؟
جزاكم الله خيرا


Re: طريقة تحضير الشوربة حصري على منتدى النجوم - riadh - 06-01-2014

ساعدينا الأخت نجمة بديول تع البوراك او الأخت حياة اريد وصفة بالتدقيق و التفصيل الممل حتى أستطيع ان اتبع الخطوات بالتفصيل
و هذا بالطبع اخت نجمة أو حياة عندما تجدن الوقت الكافي ليسن مجبرات ان تقمن بها اليوم أو غدا بارك الله فيكن
اما الوصفة الثانية فأرجو ان تكون ارز مفور بالدجاج ثم بطاطا محمرة في الفرن
و شكرا جزيلا اختي نجمة


Re: طريقة تحضير الشوربة حصري على منتدى النجوم - nadjma - 06-01-2014

somia كتب :بارك الله فيك وجعله في ميزان حسناتك والله احنا في الغرب الجزائري نديرو في رمضان لحريرة مع البوراك
خسارة مريكان مافيها لا فريك ولا تشيشة نتاع الزرع اللي نستعملوها في مكان الفريك راني نديرها غي بالارز
ربي يحفظك حبيبة
السلام عليكم حبيبتي سمية
للأسف هي ماتجي شابة غير إذا كانت بالفريك
لكن عندي حل
سوف أحاول أن أحضر أيضا الحريرة نتاع الجهة نتاعنا و هي لا تحتاج إلى الفريك و أعرضها هنا في المنتدى بحول الله
كي يستفيد الجميع

أو يمكنك إستبدالها بالمقطفة أو الفارميسال إذا كان هناك في أمريكا
و إذا ماساعدوكش هذو الحلين مستعدة أن أرسل لك courier فيه الفريك قيس ما يكفيك تجوزي رمضان و أنا نخلص التكاليف
و أنا صادقة في قولي قوليلي برك واش لازم ندير لست أمزح حبيبتي

برك وصلي واحد الكيلو للأخ رياض
و الحل الأخير هو نعلمك كيفاه تخدمي المقطفة فالبيت و تربحي بزاف هكذاك البنة و كل حاجة
قوليلي واش يساعدك نديرو
و السلام


Re: طريقة تحضير الشوربة حصري على منتدى النجوم - Hayat - 06-01-2014

شكرا شكرا اختي نجمه بارك الله فيك معليش غير في غرضك و ديريها خذي راحتك معليش <!-- sSmile --><img src="{SMILIES_PATH}/icon_e_smile.gif" alt="Smile" title="مبتسم" /><!-- sSmile -->

اخ رياض مكاش مشكل غدا ان شاء الله نتعمل وصفه البوراك <!-- sSmile --><img src="{SMILIES_PATH}/icon_e_smile.gif" alt="Smile" title="مبتسم" /><!-- sSmile -->


Re: طريقة تحضير الشوربة حصري على منتدى النجوم - nadjma - 06-01-2014

riadh كتب :ساعدينا الأخت نجمة بديول تع البوراك او الأخت حياة اريد وصفة بالتدقيق و التفصيل الممل حتى أستطيع ان اتبع الخطوات بالتفصيل
و هذا بالطبع اخت نجمة أو حياة عندما تجدن الوقت الكافي ليسن مجبرات ان تقمن بها اليوم أو غدا بارك الله فيكن
اما الوصفة الثانية فأرجو ان تكون ارز مفور بالدجاج ثم بطاطا محمرة في الفرن
و شكرا جزيلا اختي نجمة
السلام عليكم و رحمة الله تعالى و بركاته
أخي الفاضل رياض

صراحة أنا مشي متعودة نخدمهم خاصة أن جارتي كبيرة تكون فالخمسينات من العمر
تخدمهم روعة و تبيعه بسعر 50دج فقط لهذا أصابنا الخمول و الكسل و لم أحاول أن اصنعهم
و مانقل لكش مستحيل تخدمهم وحدك لكن علابالي بلي صعيب شوي

أما فيما يخص الأرز المفور بالدجاج هاهي المكونات
[صورة: 1-jpg?fx=r_685_685]
غدا إذا كنا حيين بحول الله نكتب الوصفة نتاعها لذيذة جدا جدا و فيها البركة كيلو يوكل عائلة من 6 أفراد و يشبعوا بصحتهم
نقول لكم واحد السر
كي نشوف تفاعل مع المواضيع يروحلي كامل التعب <!-- sBig Grin --><img src="{SMILIES_PATH}/icon_e_biggrin.gif" alt="Big Grin" title="سعيد جداً" /><!-- sBig Grin -->
بارك الله فيكم


Re: طريقة تحضير الشوربة حصري على منتدى النجوم - ridharezzag - 06-02-2014

يحسرتاه قالوا ناس بكري انا ندخل نشوف غير التصاور ههه هذه الماكلة في المنام ومكاشها في امريكا يلزم تكون زوجة وانا مستحيل نطيب هكذا في هذه الفترة اكلة صحية كيما هذه نحوس نشريها ب 50 دوﻻر مش خسارة مرة العام لي فات جزائرية من الاغواط دارت الفطور في رمضان دارت شوربة فريك انا غيرجابوها قلت يا جزائرية يا مغربية الشربة ذقتها لقيتها جزائرية هههه ومن بعد جاني ابن المراة قال لي عجبك الاكل قتلوا اعرفتها يماك جزائرية باينة بركة تاعنا فيها ههه


RE: طريقة تحضير الشوربة حصري على منتدى النجوم - nadjma - 06-20-2015

رمضان كريم


RE: طريقة تحضير الشوربة حصري على منتدى النجوم - Badro Med - 06-22-2015

(06-20-2015, 12:27 PM)nadjma كتب : رمضان كريم

السلام عليكم ...بركة الله فيك الاخت نجمة و رمضانك مبارك ...حبيت نطرح سؤال عن كفية طبخ طاجين
حلو و المرقة البيضة .......توحشنا ماكلة الدار...............................................في امان الله

(06-22-2015, 07:42 PM)Badro Med كتب :
(06-20-2015, 12:27 PM)nadjma كتب : رمضان كريم