السلام عليكم
انا ناجح في القرعة الامريكية لكن ارتكبت خطا جسيم
وهو اني في التسجيل الاولي سجلت اني اعزب رغم اني متزوج وبعد نجاحي ملئت الاستمارة اني متزوج
وقرات انه في حاالتي اني مقصي
فما الحل هل اذهب للمقابلة ام لا
وهل اسجل للعام القادم
اعطونيي حل
اذا فزت هذا العام حاول تقول الحقيقة يوم المقابلة واذا ما فزتش سجل العام الجاي
عفوا اخي انت ناجح .حاول تقول الحقيقة يوم المقابلة وربي يجيب الخير راه كل شئ بالمكتوب .عسى ان تكرهو شيئا وهو خيرا لكم
بارك الله فيك
نعم انا ناجح
واغلب من سئلتهم حول حالتي اخبروني اني غير ناجح ولاداعي لاذهب للمقابلة اصلا
والله راني حاير
اذا حبيت تغامر وتدفع التكاليف وتشرح للقنصل قل له انك سجل اعزب لانك لم تكن تعلم انه يمكنك ان تسجل زوجتك معك و لا تاخذها معك في نفس اليوم يعني ممكن تنتضر شهور وتقلها تلحق بك قل له انك ما سجلتهاش لانك لم تريد ان تاخذها معك وتكون عالة على امريكا قل له قلت نروج وحدي ولما اجد عمل اقدم طلب احضارها وهذه نيتي ليس لي نية اخرى ممكن يعطوك الفيزا ولكن قل للقنصل يعطيك وثيقة تثبت انه قبل عذرك لان ممكن في مطار امريكا يرجعوك حتى وعندك الفيزا واحد جزائر اعطاوه الفيزا ولما وصل امريكا رجعوه في المطار قالوا له كذبت في زواجك لانه الزواج يكون مكتوب في باسبورك
روحي عادي للمقابلة وقول واش قالك الاخ رضا .يمكن تصلح يمكن ماتصلحش باه ماتندمش وتبقى تقول في نفسك كون غير حاولت .انا كون جيت في بلاصتك نروح ونخسر 5 ملاين ولا 6 ونحاول اذا كان كاتهالك ربي راه القنصل يعاونك واذا ما كانش كالتبهالك ربي راه تجيك اي سبب واحد اخر المهم روح وحاول احسن من ماتروحش وتبقى مندم ررررررررررررررروح يا اخي
ربي يبارك فيكم ان شاء
سؤال اخر
في حالتي هاذي ياك يعملوليش مشكل اذا عاودت سجلت مرة اخري
يعني يدرولي اقصاء مدي الحياة هههههههههه والله حالة
حسب علمي راك تقدرؤ تسجل عادي انا ننصحك زيد سجل هذا العام ودير بلي راك متزوج وشوف .الخير هو ما اختاره الله لنا وعادي ماهيش نهاية الحياة يا ما اشياء حلمنا بيها وكي وصلنا ليها كانت هي سبب تعاستنا واشياء لم نفكر بها يوما واعطتنا الكثير . ربي يفتح عليك اخي وعلينا
ربي يباركم فيك اختي
والله كلامك جاء كي ثلج علي قلبي
ربي يحفظكم وينوركم
دعولي ربي يوفقني ان شاء الله
بالتوفيق لك اخي .ربي يكون معاك بصح مهما تكون النتيجة لاتياس فالله واسع العطاء قد يؤخر شيئا للوقت المناسب لك.اظن ان الباسبور البيومتري لا تكتب فيه الحالة العائلية هذا ما اخبرتني به موظفة في البلدية يعني في المطار راهم مايفقوش ان شاء الله