المفيـد

السلام عليكم ورحة الله وبركاته
أما بعد:
لم أجد موضوعا يتكلم عن أماكن شراء تذكرة من الجزائر إلى أمريكا وأول رحلة سفر إلى أمريكا بالتفصيلزز أرجو أن يقوم الشباب الذين سافروا أن يتحفونا كعادتهم عن خبراتهم في شراء تذكرة من الجزائر إلى أمريكا لأول مرة يعني بعد حصولهم على الفيزا من أين تم شراء التذكرة وكيف تم ذلك وهل هناك نصائح فيما يخص السفر أقصد:1
- هل الترانزيت في بلد أوروبي أفضل ؟
2- عن حجم و وزن الحقائب
3- الكبيوتر هل يجب ان تكون معك وصل شرائه ؟ الهاردسك مسموح اخذه ؟
4- اوقات المفضلة لشراء تذكرة
5- هل اذا اشتريت ذهاب واياب افضل ام ذهاب فقط؟

أرجو من الإخوة أن يتجاوبو و يجيبوا بالتفصيل ....وفقكم الله لما يحب و يرضى

الكمبيوتر عادي تأخذه معك تطلعه للطائرة الهارد ديسك ديره في الحقيبة اللي تروح مع الأمتعة يفوت عادي

اخي باه تشري تذكرة الجزائرر الى امريكا شريها 2 اشهر قبل ماتروح لان تدكرة راح تكون رخيصة و كاين الخطوط الجوية القطرية و الفرنسية و ليفتانسا
انا افضل الخطوط الجوية القطرية لانها رخيصة
وتاني وزن الحقائب كاين حتى 40 كلغ على حساب الشركة لي خيرتها
اخي كمبيوتر حطو في حقيبة لي راح طلعها معاك للطيارة باه مايكسرش
و كيما قتلك اوقات فصيف غالية شوية و كي تحب تشري شري 2 اشهر قبل ماتروح و تاني روح مطار سقسي
انت راك رايح امريكا و فيزا فيها 10 سنين و لا 5 سنين ايا دير غير ذهاب فقط
لانك ماتقدرش تروح في 2015 و تولي 2020 بزاف
ايا دير غير ذهاب

لسلام عليكم .طيب جزاكما الله خيرا ..طيب من أين اشتري تذكرة من الخطوط القطرية ؟ وين مكتبهم في العاصمة؟
وجدت سعر الذهاب 5 ملاين
و 600..هل نقدر نحجز من الانترنت وممبعد نروح ليهم
ولا لازم نروح للمكتب ؟
هل يزيدو عليك الدراهم في مكتبهم ولا هو نفس سعر
التذكرة في الموقع

روح مكتب تاعهم في الجزائر العاصمة
و اذا كانت عندك بطاقة ماستر كارد او فيزا تقدر تحجز غير من الانترنت
و اذا حبيت روح و سقسيهم و هوما يقولولك

اخي روح مطار هواري بومدين راح تلقا موظفة و سقسيها قولها وين جاي مكتب تاع خطوط الجوية القطرية و هي راه توريك
و تاني انا اظن ان المكتب موجود في المطار

فيما يخص مكتب القطرية فهو متواجد امام كلية الصحافة والعلوم السياسية itfc ببن عكنون العاصمة . ولكن رحت سقسيت عندهم قالولي لازم عليك تخلص نصف السعر دينار والنصف الاخر دوفيز . لكن مكتب القطرية في مكار هواري بومدين قالي خلص كلش دينار لذالك روح اشريه من المطار احسن لك

جزاكم الله خيرا

والله ياشباب انتم فخرا لنا عندما نقرا كيفية مشاركاتكم واهتمامكم بالاجابة عن اسئلة المشاركين نحن بالفخر بكم .الله يحفظكم ويوفقكم