ارسال طرد الى امريكا

[Bilel SK]

السلام عليكم
اريد ارسال طرد {كتاب} من الجزائر الى امريكا ما هي احسن طريقة؟
اذا ارسلته عبر البريد هل سيصل ؟ اخاف ان لايتم سرقته او ان يستغرق زمنا طويلا
الارسال عبر DHLجد مكلف قالولي يكلفك 9300دج اما عبر البريد فسيكلف 500دج
لي عندو اي معلومات يجاوبني من فضلكم

[ridharezzag عضو متألق]

لا اضن انهم سوف يسرقونه السراقين هوما تع بريد الجزائر اكبر لصوص حاشا الناس الصالحة ومن الطبيعي ما يقدروش يسرقوا حاجة خارجة من عندهم لانها خارجة لو يتم لمسها يوقعو في ورطة ولكن يسرقو الاشياء الداخلة لانهم يعلمون ان صاحب الطرد لن يرفع شكوى الى مدير البريد ارسله في البريد العادي وغلفه مليح فقط من المطر بالتوفيق وراح نسالك في الصفحة ونشوف واش يقولولك

[Man Yacine]

السلام عليك اخي انا عندي تجربة وارسلت طرد و رسالة مع بعض بدن اي مشاكل ووصلت في غضون 20 يوم بصح كل مرة وكيفاه لانهم على حسب معرفتي يرسلونها في اول طائرة ممكن تتأخر ويمكن لا لكن بإذن الله هتوصل في اقرب وقت المهم نجاوبك ..
اول شيء 1- اللاصق الشريطي ممنوع يعني الطرد او الرسالة ما فيهاش ( السكوتش كيما نقولو ) 2- الطرد الحوايج لي في داخلو لازم تكون مزير عليها زين واذا كانت حاجة تتكسر لازم دير القطن او شيء يحافظ عليا لانهم يمكن تسقط فهمتني ، وكي تحافظ عليها من الداخل اربطها كيما الكادو باش باش تتفادى السكوتش واربطها بالخيط نتاع الكادو اوك 3- عادي روح الى المركز البريدي الذي يجتمع في كل الراسائل والطرود لتكون اسرع في الذهاب 4- قلهم حاب نبعثها لامريكا او اي بلد تريده ثم يطلبون منك ماذا يوجد في الداخل لانهم لازم يعرفو واذا قالولك افتحها نشوفوها افتحها نورمال وريلهم يشوفو اذا كانت حوايج مسموحة او لا ثم اربطها بإحكام 5- يعطولك زوج اوراق وحدة حمرة او زرقاء ووحدة بيضة ، المهم الورقة اسمهما وقيلة لاكوزي الحمراء او زرقاء امليها زين وبعناية لانها هي الصح اسم المرسل واسم الرسل اليه والمكان والعنوان المهم امليها بحذر والورقة الصغير امليها ثان راهم من باعد يعطوهالك 6- اكتب عنوان الشخص المرسل اليه واسمه في الطرد واكتبه وااااااااضح و طبعا باللغة الانجليزية و في الجهة الاخرى اكتب عنوانك واسمك باللغة العربية اوك ثم يوزنو الطرد في الميزان ويقلك وشحال تخلصوا المهم كي قولك خلاص راه يعطيلك كيتونس لي عمرتو الورقة الصغير احتفظ بها حتى وانها مافيهاش فايدة بصح احتفظ بيها
ان شاء الله نكون شرحتلك شرح يساعدك واسألني في هذا الموضوع اذا اردت ان تعرف اكثر ههههههههه

[Man Yacine]

لا اضن انهم سوف يسرقونه السراقين هوما تع بريد الجزائر اكبر لصوص حاشا الناس الصالحة ومن الطبيعي ما يقدروش يسرقوا حاجة خارجة من عندهم لانها خارجة لو يتم لمسها يوقعو في ورطة ولكن يسرقو الاشياء الداخلة لانهم يعلمون ان صاحب الطرد لن يرفع شكوى الى مدير البريد ارسله في البريد العادي وغلفه مليح فقط من المطر بالتوفيق وراح نسالك في الصفحة ونشوف واش يقولولك

السلام عليكم اخي رضا تخيل ان كلامك صحيح لاني ارسلت اشياء ووصلت بسرعة والحمد الله
لكن تخيل راني في اربعة اشهر لم يصلني ماتم ارساله لي ا، الحمد الله احسست بهذا الامر وقلت للشخص الذي في امريكا ان يرسل فقط بطاقات تهنئة وارسل رسالة وقميص ، الحمد الله اني عرفتها قبل ما يرسلوها
وتخيل انهم لما قلت لهم ان يفعلو هذا استغربني الشخص لماذا ارسل اشياء ليس لها ثمن ههههههههههه ولماذا انت متخوف احقا يسرقون ما يتم ارساله هههههههههههه

[ridharezzag عضو متألق]

والله يا خويا ياسين هبلونا وبهدلونا امام الاجناس والله نوكلو عليهم ربي ولكن نخبرك لو ترفع شكوى الى مدير البريد اللي تستلم منه الطرد راح يقولك جانا كيما هكذا قوله اذن انا راح نرفع دعوتين قضائتين وحدة عليكم لانكم انتم من سلمتم لي الطرد ناقص والاخرى الى المديرية العامة للبريد المركزي والله يقتلهم الخوف ويجبولك حاجتك بالسيف عليهم خاصة الى سرقوها في البريد تع ولايتك القانون الجزائري يعاقب والجزائر ليست غابة ولكن تطبيق القانون مكانش لان الناس ما يشكوش رسميا انا واحد صاحبي من غرداية اداوله التيلفونات وكلاو الشيكولة راح اشتكى كيما قتلك قالوله حجزناه لانه ممنوع عمبالهم يهفوه قالهم القانون يمع منعا باتا تفتحه في غيابي افتح علبتي في حضوري وقالهم والله نشتكي بيكم قالوله استنى اطلع للمدير طلع للمدير قاله ما تشكيش وانا نهنيك ونجيبلك حاجتك بداو يلعبو بيه اسبوع ولكن شافوه مصر انه يشتكي ايا تم فهمو بلي يلزم يجيبولو التيليفون ذراع وجابوهوله المدير والشسكولة قالهم تاكلو الرهج ههههه المهم القانون الجزائري مع المواطن ولكن المواطن لا يعرف مصالحه هذي هي

[ridharezzag عضو متألق]

بعض الاجوبة على موضوعك موجوده هنا في الصفحة <!-- m --><a class="postlink" href="https://www.facebook.com/dzimmigrants/posts/293602634133866">https://www.facebook.com/dzimmigrants/p ... 2634133866</a><!-- m -->

[Man Yacine]

مش مشكل ق بيا مش لاهي بيهم وعندي امور كثيؤة ومشغول بأشياء اهم لكن نطلعلهم بيا ان شاء الله راني راح نرسل عن قريب بعض الاشياء ، الله غالب اخي رضا عجائب وغرائب في الجزائر بصح الحمد الله مازال الخير كاين الحمد الله
من الان ووصاعدا لي يصرالو مشكل في الجزائر لازم مايسمحش في حقه لكن ليس المشكلة بالمشكلة لكن تحدث معاه في القانون لانهم يخافو كي يشوفوك فاهم وتعرف حقوقك للازم نفوتوهم بالعقل

[algeriano]

[size=200][highlight=#ffffbf]السلام عليكم أخي الكريم، أُجيبك من خلال تجربتي الشخصية
الطــّرد غلفه جيدا، و الأفضل أن لا تكتب العنوان بخط اليد، لرُبما يكون غير مفهوم...، أكتب العنوان واطبعه بإستخدام الورق اللاصق (autocollant paper) ، يتم وزن الطرد، و ارساله .
وهنا جدول الأسعار، من موقع البريد الجزائري، حسب نوع الشيئ المُرسل ووزنه .

<!-- m --><a class="postlink" href="http://www.poste.dz/services/taxe/taxesspinter/inter.php.htm">http://www.poste.dz/services/taxe/taxes ... er.php.htm</a><!-- m -->

أقصى وزن للإرسال، 2 كغ، و إذا فاق وزن الشئ 2 كغ، يقول لك عامل البريد، لا تستطيع إرساله، إستخدم شركات التوزيع الخاصة، يعني Ups-Fedex-ems-Dhl ...(بدون تعليق) <!-- shock: --><img src="{SMILIES_PATH}/icon_eek.gif" alt="hock:" title="مصدوم" /><!-- shock: -->
أتمنى أكون أفدتك، أخوك من الجلفـة .[/highlight][/size]

[Man Yacine]

[size=200][highlight=#ffffbf]السلام عليكم أخي الكريم، أُجيبك من خلال تجربتي الشخصية
الطــّرد غلفه جيدا، و الأفضل أن لا تكتب العنوان بخط اليد، لرُبما يكون غير مفهوم...، أكتب العنوان واطبعه بإستخدام الورق اللاصق (autocollant paper) ، يتم وزن الطرد، و ارساله .
وهنا جدول الأسعار، من موقع البريد الجزائري، حسب نوع الشيئ المُرسل ووزنه .

<!-- m --><a class="postlink" href="http://www.poste.dz/services/taxe/taxesspinter/inter.php.htm">http://www.poste.dz/services/taxe/taxes ... er.php.htm</a><!-- m -->

أقصى وزن للإرسال، 2 كغ، و إذا فاق وزن الشئ 2 كغ، يقول لك عامل البريد، لا تستطيع إرساله، إستخدم شركات التوزيع الخاصة، يعني Ups-Fedex-ems-Dhl ...(بدون تعليق) <!-- shock: --><img src="{SMILIES_PATH}/icon_eek.gif" alt="hock:" title="مصدوم" /><!-- shock: -->
أتمنى أكون أفدتك، أخوك من الجلفـة .[/highlight][/size]

السلام عليكم أخي ألجيريانو شكرا على أضافتك للموضوع
لكن الأسعار تختلف من بلد الى بلد أخر لأني لما ذهبت نبعث في الطرد و الرسالة خرج رجيستر نتاع الأسعار وأنا نشوف فيها .المهم شكرا طريقة كتابة العنوان بالورق اللاصق جيدة ذلك يساعده
تقبل مروري اخي الجيريانو ^^

[Bilel SK]

بارك الله فيكم الاخوة على الاجوبة المفيدة وشكرا الاخ رضا لنشر الموضوع على الفيسبوك انا اليوم رحت لمركز البريد وطلبت الارسال بخدمة EMS قاتلي الموظفة واش حايب تبعث قلتلها كتاب {مصحف مترجم انجليزي} اعطيتها المصحف قاتلي ماراهوش مصنوع في الجزائر made in algeria ممنوع ما راحش يفوت

[Bilel SK]

في DHL ما قالوليش لازم made in algerie راهي باينة بلي هذا القانون ما عندو حتى مصداقية راهم حطوه بريد الجزائر غير باش ما يخدموش و يكسرولك راسك ايها المواطن ... الان بسيف علي نرسل عبر DHL ندفع قريب مليون سنتيم على طرد لا يتجاوز وزنه 500 غرام في حين لو ارسلت بالبريد كنت نخلص غير 500 دج لكن لسوء الحظ المصحف ما راهوش Made in Algeria ههههههههههه قولولي يا الاخوة كاش ما عندنا منتوجات Made in algerie في بلادنا هههههه

[Man Yacine]

وش راح نقولك ربي يهدينا ويهديهم قوانين ليس لها اهمية ، مصنوع في الجزائر
وكنت عارفك راح ترسل كتاب قرآن <!-- s:-) --><img src="{SMILIES_PATH}/icon_e_smile.gif" alt=":-)" title="مبتسم" /><!-- s:-) --> احساس المهم ربي يسهل ان شاء الله
ونعطيك نصيحة اذا استطعت ان تتحدث مع الاشخاص الذين في البريد تحدث معهم وقلهم راها حاجة نتاع خير ابعثوها واخطوني من المراج
المهم واذا كنت تسكن في العاصمة او قريب من المطار ابعثه مع تي شخص مسافر لامريكا ممكن تجد اشخاص يساعدك ان شاء الله

[Man Yacine]

فكرتني وكان قتلها اصلا الجزائر وش تصنع ما تصنع والو حتى السجادة نتاع الصلاة ياخي صنع صيني او سعودي او مغربي مكاش حاجة مهمة نصنعو فيها في الجزائر .........

[ridharezzag عضو متألق]

ياو راهي غير تخلط هههههه قلها هدية وش دخلك خخخ ارسله في البريد العادي وما تديرش عليها المهم ما يفوتش ثمنه 5 ملاين اضن باشما تكونش تجارة ارسله بالبريد العادي ما تدسرهم ما والو والى قاتلك ماراهوش صنع بالجزائر امحيها بالفتار في وجها وقلها هاكي وريلها التمهبيل تعها ما تخليهاش تهفك البهلولة

[Man Yacine]

ههههههههههه اصلا ما تدخلش للراس قالت لازم صنع جزائري والله حاجة تضحك ههههههههههههه