للقادمين الى امريكا ! - نسخة قابلة للطباعة +- المفيـد (https://allmofid.com) +-- قسم : منتديات المهاجرين (https://allmofid.com/forumdisplay.php?fid=9) +--- قسم : مجلس المهاجرين والطامحين في الهجرة (https://allmofid.com/forumdisplay.php?fid=10) +--- الموضوع : للقادمين الى امريكا ! (/showthread.php?tid=651) |
للقادمين الى امريكا ! - myassifi - 01-29-2014 مهم احب اقولكم علي بعض النصائح والخبرات اللي عديت علية خلال شهر تقريبا من تواجدي بامريكا اول شيء اللغة ثم اللغة لو اي حد مقدم علي الهجرة وناوي يسافر او قدم علي الهجرة ومقبل علي المقابلة او قدم علي الهجرة وفي مرحلة الاستعداد للسفر اللغة اهم حاجة ومحدش يقول انا هروح ادرس هناك او هتعلم هناك انت هنا مش هتلاقي وقت تنام اصلا الا لو مش شغال اللغة هية اللي هتخليك تملي الابليكاشن بسرعة اللغة هية اللي هتخليك تقرا اسماء الشوارع وتعرف انت رايح فين وجاي منين اللغة هية اللي هتخليك تشتغل في مكان محترم او تعمل مقابلات في اماكن محترمة يبقي اول حاجة قبل ما تفكر تتحرك اللغة تاني شيء الكومبيوتر واستخدامك للاجهزة الحديثة طبعا انا مش هقول كل واحد انا هقول اللي هيقدر يجيب لاب توب معاة وهوة جاي او تليفون حديث شوية علية نت هنا اي تليفون في مصر هيشتغل ولو الشريحة صغيرة علشان الايفون بردة انت بتشتري الشريحة صغيرة وفيها الادبتار بتاعها تشتغل علي اي تليفون ومحدش يسال في الباب دة تاني ياريت اي تليفون شغال وبدو اي مشاكل المهم انت لو معاك كومبيوتر او تليفون هتقدر تقدم بالمواقع الاون لاين هتقدر تتحرك بالتليفون علي ال جي بي اس المهم بعد وصولك البلد في عدة اشياء لازم تتعمل بالزات الفترة الاولي من تواجدك اولا متعتدمش علي ان حد يساعدك لان كل واحد في شغلة ولو هيساعدك اخرك هيكون يوم واحد لان اليوم دة يعتبر عبئء علي اللي هيساعدك الا لو مش شغال ممكن نتجاوز الموضوع دة اهم حاجة بعد الوصول تطلع السوشيال نمبر من اي مكتب سوشيال قريب منك تاخد الجواب اللي هتستلمة وتروح علي اي بنك تفتح حساب بنكي وياريت لو من احد البنوك اللي بتعمل سيكيور كريديت كارد وتعمل كريديت كارد بالمرة ولكن لازم تبقي فاهم يعني اية كريديت كارد واية المخاطر المستقبلية في حال سوء الاستخدام بعد اسبوع تقريبا بتستلم جواب البنك وجواب السوشيال تاخدهم وتروح علي ادارة المرور تقدم علي بطاقة الهوية وبعد ما تقدم تاخد استمارة الرخصة بتحاول تدور علي اي دكتور يمضي ويختم وبتتراوح ما بين 25$ ل 75$ الختم وبعد كدة تروح تعمل اختبار السواقة بعد ما تذاكر الكتاب لما تطلع السوشيال سهل انك تدور علي شغل اولا لو هتشتغل رسمي يبقي هيتخصم عليك ضرايب تقريبا 25% لو هتشتغل من تحت الترابيزة يبقي هتاخد كاش بس ملكش حقوق لان انت شغال غير رسمي زيك زي المهاجرين الغير شرعيين المهم انت وانت بتدور علي الشغل بتخش اي محل اي كان مطعم سوبر ماركت محل ملابس محل زهور مطاعم بيتزا او اي مطاعم او كافيهات بتخش تملي ابليكاشن وتخرج ولو احتجوك بيتصلوا بيك الا لو محتاجك ضروري هيشغلك طبعا انت جديد ومحدش عارف امكانياتك ولا لغتك شكلها اية فبتشتغل تحت التدريب بدون مقابل لغاية ما يتم تحديد المستوي وعموما بيكون القرار خلال 5 ايام تدريب بالنسبة لية انا اشتغلت 40 ساعة يعني تقريبا شغل اسبوع كامل بدون مقابل النظام اللي ماشي انك لما تتعين بتشتغل وتقبض اسبوع متاخر يعني اول راتب بتقبضة بيكون بعد الاسبوع ال 3 بتقبض اول اسبوع نظرة عامة علي البلد البلد حلوة في النظام والاحترام انت بتتعامل من اول يوم كانك مواطن امريكي ولك كل الحقوق علاقتك بالناس اهم شيء ومازلت بحظر من التعامل مع العرب بشكل خاص الشرطة بطيئة في التواجد مكان اي حادث يعني لو اتصلت عليهم بيوصلوا بعد ساعة تقريبا الحياة بشكل عام كويسة ولكن لو فكرت تصرف بتكون المصاريف عالية نسبيا بالزات الاكل والشرب السجاير للمدخنين غالية جداا اقل نوع سجاير 5.22$ المية ممكن تشرب من الحنفية عادي ولو عاوز تشتري في 24 زجاجة نص لتر الزجاجة ب 5$ الاكل الجاهز اقل وجبة تتراوح من 6 ل فوق ممكن تشتري بيتزا ب 6$كاملة الفواكة في بعض محلات الاكل بتبيع الفواكة بسعر رخيص يعني ممكن تجيب حوالي 3ك موز ب دولار ونص انما لو هتشتريها من اي جروسري عادي هتشتري ال 2 موزة ب 1 دولار او ال 3 ب 1$ المواصلات تعتبر غالية شوية بالاسبوع الكارت ب 24$ ولكن اكشفت ان الكارت الشهري ب 91$ وفي حاجة زي العملات كدة تشتري ال 11 كوين ب 20$ كل مواصلة ب 1 كوين دة علي اساس انك مبتتحركش كتير ان شاء الله قريبا هنزل موضوع تاني بعد التاكد من موضوع الضرايب علي الدخل والتامين الصحي ورخصة القيادة . <!-- s --><img src="{SMILIES_PATH}/icon_e_biggrin.gif" alt="" title="سعيد جداً" /><!-- s --> للمزيد من المواضيع هنا <!-- m --><a class="postlink" href="http://mohagerine-arab.blogspot.com/">http://mohagerine-arab.blogspot.com/</a><!-- m --> Re: للقادمين الى امريكا ! - ridharezzag - 01-30-2014 كلام صحيح مشكوووووور اوافقك الرأي Re: للقادمين الى امريكا ! - myassifi - 01-30-2014 ربي يخليك رضى او مبروك 900 مشترك Re: للقادمين الى امريكا ! - Prince Abdo - 01-31-2014 مشكور اخي الكريم على المشاركة ممكن اعرف في اي مدينة انت مستقر و شكرا Re: للقادمين الى امريكا ! - houssemkh - 02-01-2014 شكرا جزيلا على المعلومات القيمة و في انتظار جديدك ** كما لو امكن ان تعطينا نظرة عامة عن المصاريف (كراء،ة اكل، تنقلات ، اذا كان العمل متوفر) التي لديك عنها معلومات |