المفيـد
مراحل الزواج من امريكية في الجزائر - نسخة قابلة للطباعة

+- المفيـد (https://allmofid.com)
+-- قسم : منتديات المهاجرين (https://allmofid.com/forumdisplay.php?fid=9)
+--- قسم : الزواج بالاجنبيات (https://allmofid.com/forumdisplay.php?fid=37)
+--- الموضوع : مراحل الزواج من امريكية في الجزائر (/showthread.php?tid=4283)

الصفحات: 1 2

مراحل الزواج من امريكية في الجزائر - siwlah2 - 05-03-2015

بســـــــــــــــــــــــــــم الله الرحمـــــن الرحيـــــــم
                                                     الســـلام عليكــم و رحمــــة الله تعالى و بركاتـــــــــة

اليوم جئتكم بموضوع يجيب على الكثير من الاسئلة بخصوص الزواج من أمريكية في الجزائر مرحلة  تلوى الاخرى بالتفصيل الممل
 نبدأ على بركة الله :
في البداية  بعد ان ترسل الدعوة الى زوجتك المستقبلية من اجل القدوم الى الجزائر و هذه الوثيقة راهي ساهل  تعمرها و تقاليزيها بنفسك في البلدية .... منبعد  الزوجة نتاعك دير طلب تاشيرة الي الجزائر راهي ساهلة ثاني ..بعد اسبوعين الزوجة تحصل على التاشيرة الى الجزائر باذن الله و عليها ان تحضر معها :

-جواز السفر بالطبع هههه بلا بيه مدير والوا.....
- شهادة الميلاد الاصلية.....
- شهادة العزوبة او شهادة الطلاق ان كانت مطلقة ......
-  بطاقة التعريف الوطنية او رخصة السياقة.......
- صور شمسية تصور هنا في الجزائر......

عند دخولها التراب الوطني وتجيبها داركم عليك اخذها الى الشرطة و معها بطاقة التعريف الوطنية او رخصة السياقة  وجواز سفرها باش ديكلاريها عندهم- لا تقلق سيأخذون بعض المعلومات حتى يكون للشرطة علم انها تقيم معك و بصفة قانونية
بعد ترجمة اوراقها الى الفرنسية او العربية ودير نسختين من الترجمة(واحدة تدفعها في الدائرة و الاخرى في مركز الشرطة)  وهنا تبدا مرحلة طلب رخصة الزواج المختلط

بالنسبة لي يسكن في الولاية يمشي مصلحة الاجانب في الولاية و لي بعيد على الولاية يقدر يدفع في الدايرة كيما انا مشيت مصلحة الاجانب في الدائرة

و عليك جلب الملف التالي :

الملف الخاص بالزوجة  :
-طلب رخصة الزواج المختلط موقع من طرف الزوجة
- نسخة من شهادة الميلاد بالإنجليزية و الترجمة ديالها
-نسخة من شهادة العزوبة او شهادة الطلاق ان كانت مطلقة بالانجليزية و الترجمة ديالها
   
للتوضيح :  (هنا انت اعطيلهم فقط نسخة من  شهادة الميلاد بالإنجليزية يعني فتو كوبي لأنه هي غادي تجيب فقط واحدة اصلية معها تدفعها في ملف الشرطة على بيها تدفع فقط فتو كوبي في الدائرة ونفس الشيئ بالنسبة شهادة العزوبة او شهادة الطلاق ان كانت مطلقة )

- نسخة من جواز السفر فقط الصفحة الخاصة بالمعلومات زائد نسخة من التاشيرة و تاكدو في المطار بلي درولها كاشي نتاع الدخول
-نسخة من بطاقة التعريف الوطنية او رخصة السياقة
-2صور شمسية قياس صور جواز السفر
-للتوضيح : ( بالنسبة للمرأة لي رايحا تزوج اجنبي اتزيد شهادة اعتناق الاسلام )
ادا سقساوك على الخدمة قل لهم عاطلة عن العمل باه ميقلكش جيب شهادة العمل ديالها

 الملف الخاص بالزوج :
-  طلب رخصة الزواج المختلط موقع من طرف الزوج - شهادة ميلاد رقم12 –شهادة العزوبة -2صور شمسية  -نسخة من جواز سفرك او بطاقة التعريف الوطنية
2 فورمولار واحد ليك والاخرى للزوجة تعامروهم مع التوقيع  و متنساش تمدلم رقم الهاتف ديالك

من بعد يومين او ثلاتة غادي يبعثو من الدائرة الى مركز الشرطة انت شوف كاش دير باه يبعتو الملف نتاعك بسرعة وتما ديرملف للزوجة و الزوج (ليك انت)  
واحد اصلي و 2 فوتو كوبي بالنسبة للزوجة و انت قاع اصلي لان الاوراق نتاعك موجودة في البلدية
يعني اجمالي ثلاث ملفات متشابهة للاثنين معا واحد يقعد في مركز شرطة الدايرة و واحد يمشي الى مركز شرطة الولاية وواحد يمشي الى المديرية العامة للشرطة بالعاصمة  

الملف الخاص بالزوجة :
-شهادة الميلاد بالإنجليزية الاصلية و الترجمة ديالها- شهادة العزوبة او شهادة الطلاق  ان كانت مطلقة الاصلية بالانجليزية و الترجمة ديالها - نسخة من جواز السفر فقط الصفحة الخاصة بالمعلومات زائد نسخة من التاشيرة - نسخة من بطاقة التعريف الوطنية او رخصة السياقة-صور شمسية (منيش عاقل شحال ههههه)-شهادة العمل قل لهم عاطلة عن العمل لتجنب كثرة الاسئلة عن الاوراق
هدا الملف كامل دير عليه 2 فوتوكوبي يعني اجمالي 3 ملفات متشابهة

الملف الخاص بالزوج  :
-3  شهادة ميلاد رقم 12 –3 شهادة العزوبة -صور شمسية (منيش عاقل شحال هههه)  - 3  نسخ من جواز سفرك او3 نسخ بطاقة التعريف الوطنية-3 شهادة عدم العمل( اجمالي 3 ملفات متشابهة )
 - 2  فورمولار واحد ليك والاخرى للزوجة تعمروهم مع التوقيع وهما غادي يسالونها بعض الاسئلة روتينية مثل اسم الاب والام كم عدد الاخوة........ الخ و متنساش تمدلهم رقم الهاتف ديالك

هنا يمكن لزوجتك المستقبلة تروح لبلادها وترجع من بعد للعقد و اذا حبيت تقعد معاك في دزاير ديرلها تمديد في التاشيرة (اجراءات التمديد ديرها عند الشرطة )
و بعد شهرين الى ثلات اشهر تتحصل على رخصة الزواج المختلط كي تجي الموافقة  راهم يعيطولك في التليفون وهنا تقول لزوجة ديالك تولي ليك والان حان موعد عقد القران هُنا في الجزائر الملف سهل جدا:  

certificat de capacité a marriage   -رخصة الزواج المختلط
- شهادة ميلاد رقم12  لزوج لا تقل عن 3 اشهر
- نسخة من بطاقة التعريف الوطنية لزوج
-  شهادة ميلاد الزوجة لا تقل عن 3 اشهر مع الترجمة (من الاحسن الترجمة بالعربية)
- نسخة من جواز السفر لزوجتك المستقبلية زائد نسخة من تأشيرة الدخول الى الجزائر
- نسخة من بطاقة التعريف الوطنية او رخصة السياقة للزوجة
- نسخة من بطاقة التعريف للشاهدين يجب ان يتجاوز سنهما 21 سنة
- شهادة طبية (ديرها عند طبيب لك و لزوجتك )
- نسخة من بطاقة التعريف لولي امر الزوجة ( اي شخص يمكن ان يكون ولي امرها عمك خالك جدك... الخ )وتزيد ديرلو تصريح شرفي بلى هو الولي لزوجتك تقاليزيه في البلدية

وهنا ينتهي وتصبح متزوج اخويا الله ايسهل و الله ايسخر ليكم ان شاء الله و متنساش دير حفلة صغيرة مع الاهل وتأخذ بعض الصور معاهم لانك تحتاجهم لاحقا  في ملف التجمع العائلي و الله ايسهل للجميع ان شاء الله

للتوضيح:
1 في العقد احرص عليهم باش يكتبولك المعلومات الخاصة بالزوجة في السجل بالعربية بدون اخطاء مثلا عنوان سكن الزوجة ايكون بالانجليزية اكتب لهم بالعربية بالشكل صحيح  هما ميحوسوش كاش ما جات ايديروه
2  هذي تجربة 2014 من الاحسن قبل متسافر الزوجة عندك روح تأكد من الوثائق لي تحتاجهم بلاك اليوم المراحل و الوثائق تبدلوا

نماذج  وامثلة  قد تفيدك  في زواجك مثل :

*  الدعوة لطلب التأشيرة

http://www.gulfup.com/?9SPZlF

      * طلب رخصة الزواج المختلط للزوج   

http://www.gulfup.com/?MNhhaO
       
      * طلب رخصة الزواج المختلط للزوجة  

http://www.gulfup.com/?pndCoz
      

     *شهادة العزوبة بالنسبة للزوجة :

  1 عمرناها حنا و الزوجة قليزاتها عند الموثق بامريكا

http://www.gulfup.com/?J3gnK4



   2   جبتها معها الزوجة خرجتها من مكتب خاص بالزواج من مقر سكناها

http://www.gulfup.com/?qhXM18



                                                       أي استفسار سأقوم بالإجابة عنه ان شاء الله
                                                      الدعاء إلى الوالد رحمه الله يكفيني والسلام عليكم

Re: مراحل الزواج من امريكية في الجزائر - balbilli - 05-03-2015

كفاش تعرفت عليها ههههه

شوفلنا كاش وحدة و راني جاد ^^

Re: مراحل الزواج من امريكية في الجزائر - siwlah2 - 05-03-2015

balbilli كتب :كفاش تعرفت عليها ههههه

شوفلنا كاش وحدة و راني جاد ^^

1 هذا مكتو ب الله 2 انا منعرفكش باش نشوفلك وحدة انا معنديش خاتم سليمان في يدي
3 هذا المنتدى دايرينو باش ناس تستفيد انا قلت اي استفسار راني هنا معناها استفسار فيما يخص الوثائق و مراحل الزواج
مثل هذه التعاليق تجعل الناس متحبش تحط التجارب ديالها
هذي 4 ساعات وانا اكتب في الموضوع عوض تدعي لنا وتشكرنا تتمسخر بنا
وقتاش نتطور في عقولنا الله يهدينا و اسمحلي على هذا التعليق

Re: مراحل الزواج من امريكية في الجزائر - balbilli - 05-03-2015

يشهد الله اني متمسخرتش بيك حبيبنا و كلام كان بجدية و تكلمت بنيتي عارف انه مكتوب و لكن ان تسعى في عون اخيك امر ليس عيب

و اما بخصوص دعوة والله غير راك ديتها و عن ظهر الغيب و توصلك باذن الله و مشكور


تحياتي

Re: مراحل الزواج من امريكية في الجزائر - balbilli - 05-03-2015

اااه ملاحظة بخصوص تقديم المساعدة

اخي لا تاكل هم ولا تعر اهتمام لاي كان انا او غيري عندما تقدم المساعدة لا تكترث للمثبطين مهما كان لان عملك لوجه الله فلا تهتم لاحد

Re: مراحل الزواج من امريكية في الجزائر - siwlah2 - 05-03-2015

انا من الناس لي ايحبوا ايساعدو الناس لوجه الله والله يشهد على ما اقول لكن هناك حدود
انا لكان جيت اناني منتكلمش عن تجربتي صديقي
شكرا لدعوتك لي واسمحلي على تعليقي لانني شفت تعليقك الاول ماشي في بلاسطو
تحياتي ناس بلعباس من تلمسان

Re: مراحل الزواج من امريكية في الجزائر - balbilli - 05-03-2015

قلتها بنتي ..حياك الله شكرا

بالتوفيق

RE: مراحل الزواج من امريكية في الجزائر - hamdida - 05-10-2015

شكراا , و الله يوفقك Smile

RE: مراحل الزواج من امريكية في الجزائر - Ayoub Merrouche - 09-19-2015

اخي اريد ان اتصل بك على الخاص

RE: مراحل الزواج من امريكية في الجزائر - chamsso - 09-19-2015

مشكوو راخي جزاك الله خيرا

RE: مراحل الزواج من امريكية في الجزائر - siwlah2 - 09-20-2015

(09-19-2015, 01:17 AM)Ayoub Merrouche كتب : اخي اريد ان اتصل بك على الخاص

تم الرد في الخاص اخي

RE: مراحل الزواج من امريكية في الجزائر - mouh88 - 09-21-2015

ih ya swileh hadi hiya ki nji rayeh n3ayatlek 3ayatlek réponda khok hhhhhhhhhhhhhhhhhhhhhhhhhhhhhhhhhhhhhhh
rebi ykamalek bkhir saleh w yhanina w yhanikom

RE: مراحل الزواج من امريكية في الجزائر - siwlah2 - 09-22-2015

(09-21-2015, 03:21 PM)mouh88 كتب : ih ya swileh hadi hiya ki nji rayeh n3ayatlek 3ayatlek réponda khok hhhhhhhhhhhhhhhhhhhhhhhhhhhhhhhhhhhhhhh
rebi ykamalek bkhir saleh w yhanina w yhanikom

amine Allah yahfdek khoya, Allah ghaleb manakdarch n3ayat lkamel shabi , d tfakartem gotlem khoya , rak 3aref ktji machi fatna bzf , jib hadi aykhass hadi , roh 3and hada zid khor , bzf swalah , smahana sdk, Allah aysahel 3lik nta tani Inshallah Wink

RE: مراحل الزواج من امريكية في الجزائر - Rafik aouine - 10-09-2015

يا اخوتي السلام عليكم اما بعد فان الزواج فهو نصف الدين و كل شيئ بالمكتوب

RE: مراحل الزواج من امريكية في الجزائر - Nourddine Abdelkarim - 10-03-2016

اخي العزيز . جزاك الله كل خير على ما قدمته لنا . هل يمكنني الاتصال بك اخي ؟